Зилә Нигъмәтуллина автор яңалыклары
-
11 гыйнвар 2019 - 09:23Нәфис челтәрләр яңарышыКазан (Идел буе) федераль университеты карамагындагы Лев Толстой исемендәге филология һәм мәдәниятара багланышлар институтының дизайн һәм халык иҗаты кафедрасы студентларга киң масштаблы белем бирү программасы буенча эшли. Шушы кафедраның өлкән укытучысы Гөлназ Әхмәтшина биредә рәсем, сынлы сәнгать һәм композиция дәресләрен алып барудан тыш, үз студентларын алтын җепләр белән чигү осталыгына да өйрәтә.
-
29 ноябрь 2018 - 10:41Тыйнак чәчәкләр моңыТанылган рәссам, декоратив-гамәли сәнгать белгече Александр Новиков яшьләрне: “Рәссам – ул теләсә кайсы җәмгыятьнең күренекле шәхесе, ул – мохиттәге үзгәрешләрне үз аңына теркәп калырлык сәләткә ия һәм аның күңел күзе ярдәмендә туган акыл үткерлеге, дөньяны үзенчә сиземләве әсәрләренә күчә бара”, – дип өйрәтә. Һәм кичәге студентларның барысы да аны яратып искә ала.
-
8 ноябрь 2018 - 15:38Бизәкләргә җан өргәнӘңгәмәдәшем – дизайнер Ренат Сәфәров кайчан да булса үз китабын бик сыйфатлы кәгазьдә нәшер итәчәгенә өметләнә. Хәзергә исә аның “Татарский орнамент глазами дизайнера” дип аталган хезмәте символик бәягә, Android системалы смартфоннарга кушымта-программа буларак тәкъдим ителә.
-
4 октябрь 2018 - 18:30Хыяллар тормышка ашкандаАңа карагач, бар булдыклы Алинәләр дә елмаючан икән дип уйларсың! “Хыяллар тормышка аша, югыйсә, Җиһан безгә хыяллану халәте бирмәс иде!”, “Торгач, таулар күчерәчәкмен!” Йөзеннән һич елмаю китмәгән, туачак көнгә алдан ук позитив караш юллаган чибәркәй генә үз Интернет сәхифәсенә шундый сүзләрне яза ала. Иншаллаһ, Алинә дә шөгыленең популярлыгы нәтиҗәсендә үз иҗат остаханәсен яисә үз кибетен ачар! Аның кебек французларча сутаж чигүе осталары Казанда нибары берничә генә. Алинә Камалова Чиләбедә туып-үскән, сервис белгече һөнәрен алу өчен Көньяк Урал дәүләт университетын тәмамлаган.
-
27 сентябрь 2018 - 13:45Могҗизаи Галәм әхрамыИлгиз Мәснәви улы – Иске Аракчинодагы Галәм әхрамының бүгенге эшчәнлеген яшәтүче шәхес. Галәм әхрамын төзүче, меңнәрчә кешеләрнең җаннарына игелек өләшкән дәвачы, рәссам, сынчы Илдар Хановның бертуган энесе ул. Бераз талчыккан, көне буе – хезмәттә. “Әхрам ишекләре иртәнге сигездән кичке сигезгә кадәр һәркем өчен ачык. Керү бәясе – нибары йөз сум. Туристлар да, үз юллары белән килүчеләр дә байтак, экскурсияләр үткәрәбез, – ди ул. – Янымда әхрам идеяләренә, ягъни бар дөньяда тынычлык һәм татулык булдыруга теләктәш ун-унике кеше бар, шул фикердәшләр белән бергәләп биналарны кабат төзекләндерәбез”.
-
20 сентябрь 2018 - 12:35Бизәкләр әйлән-бәйләне“Бик күптән, балаларым мәктәптә укыганда ук алар өчен стена газетасына рәсемнәр сызгаласам да, лаеклы ялда да бизәкләр ясармын әле дигән уй башыма да кергәне булмады”, – ди Гөлзирә Бекташева. Аңа – җитмеш бер яшь, әмма бу ханымның яшәү рухы чишмәдәй! Шат һәм чиста күңелле булуы рәсемнәре өчен сайлап алынган төсләр палитрасы аша да сизелә. Аларга көрән яисә кара төс белән бер сызык та сызылмаган!
-
23 август 2018 - 17:25“Казанны һәрвакыт яратып була”Бу рәссамның иң зур бәхете – аның гаиләсе. Җәмәгате, сылу Эльвира белән алар Алинур, Габделкадыйр, Хәсән, Зөһрә, Хөсәен һәм Зәйнәп исемле алты бала үстерә. Олысы Алинурга – унөч, төпчекләре Зәйнәпкә бер яшь. Бу гаиләдә уллары Алинур да, Габделкадыйр да инде намаз укый. Гаилә башлыгы Рөстәм Хуҗин – танылган, талантлы һәм ирекле рәссам, тормышын башка рәссамнарга үрнәк алып бара.
-
28 июнь 2018 - 14:30"Бик бәхетле икәнмен!”Фотограф, журналист, Татарстанның атказанган сәнгать эшлеклесе, Россия Фоторәссамнар берлеге әгъзасы һәм өч дистәдән артык шәхси күргәзмәләрен ачкан шәхес Фәрит Гобәевнең киң кырлы иҗади эшчәнлеге турындагы сүзне фотоальбомнардан башларга булдым. Менә ул аларны алдыма тезеп куйды. Барсы да кызыклы, калын, саллы... һәм өстәвенә, алар бик кыска вакыт эчендә тупланып, бастырылып чыгарылган.
Телефон АО «ТАТМЕДИА»: (843) 222 09 84