Узган атнада шәһәрдә 398 бала туган

Узган атнада, 14—20 апрельдә, Татарстан башкаласында 398 бала дөньяга килгән: 206 малай һәм 192 кыз, – дип хәбәр итә Казан мэриясе.

Әмир, Адәм, Тимур, Михаил, Марк, Эмир, Муса, Гадел, Анель, Давид, Максим исемнәре малайларга кушу буенча киң таралган, ә кызлар арасында Раяна, Айлин, Ясминә, Мирослава, Арина, София, Алисә, Әминә, Агата, Арина исемнәре танылган.

Иң сирәк исемнәр арасында малайларга Севастьян, Хәниф, Әсмир, Инвар, Баязит, Даниэль, Адриан, Эльман, Гера, Батыр, Имран, Нестор дип кушканнар, ә кызларны Алетея, Теона, Таина, Феодосия, Илария, Зәйнәп, Арьяна, Рәйхана, Сибель, Марта, Иделия, Нәзирә сирәк исемнәре белән атаганнар.

Узган атнада Казанда 176 пар өйләнешкән, дип хәбәр иттеләр шәһәрнең ГХАТ идарәсендә.