Узган атнада казанлылар үз балаларына Амфетрита, Амелина, Хәят һәм Эрен дип исем кушканнар

Узган атнада, 15 нче июльдән 21 нче июльгә кадәр, Казанда 197 кыз һәм 221 малай дөньяга килгән. 

Яңа туган малайларны еш кына Мирас, Хәким, Рәкыйм, Нәриман, Рим, Фаяз, Юрий, Федор, Гавриил, Матвей, Кәрим, Әмир, Самат дип атаганнар, ә кызларга Севиль, Илдана, Николь, Индирә, Мира, Мирослава, Раяна, Авения, Аврора, Нина, Әминә һәм Әфинә исемнәре бирелгән.

Балаларга сирәк бирелгән исемнәр арасында Платон, Эмран, Тимерхан, Хәят, Эрен, Ирада, Алена, Амелина, Амфетрита һәм Данелия исемнәрен очратырга була.

Шул ук вакыт эчендә шәһәрдә 340 пар никахлашкан, дип хәбәр иттеләр Казанның ЗАГС идарәсендә.

Исегезгә төшерәбез, алты ай эчендә ТР башкаласында 9263 бала туган: 4849 малай һәм 4414 кыз. 4225 пар никахлашты.

kzn.ru