Узган атнада Казанда 286 бала дөньяга килгән

2024 елның 26 августыннан 1 сентябренә кадәр Казанда 144 малай һәм 142 кыз тууы теркәлгән.

Малайлар арасында популяр исемнәр Артем, Әскәр, Аяз, Раян, Әмир, Мөхәммәд, Арслан, Ильяс, Әмир һәм Кәрим булган. Ә кызларга Әминә, Василиса, София, Эмилия, Таисия, Алинә, Ева дип кушканнар.

Сирәк исемнәр арасында малайларны Нәфис, Кирам, Баһир, Аят, Аарон, Арон, Әддис, Бәхтияр дип атаганнар, ә кызлар арасында очраган сирәк исемнәр Катарина, Савада, Илья, Илиана, Анелия, Богдана, Ирада, Әлфинур булган.

Узган атнада шулай ук 324 пар никахлашкан, дип хәбәр иттеләр Казанның ГХАТ идарәсендә.

Исегезгә төшерәбез, сигез ай эчендә Татарстан башкаласында 12 меңнән артык бала дөньяга килгән. Мөнәсәбәтләрне җиде мең пар законлаштырган.

kzn.ru