Туй тантанасы, бүләкләр уйнату һәм аудиоэкскурсия: Казанда юбилей «Төнге велофест» узачак

«Төнге велофеста» катнашучылары Татарстан башкаласында беренче тапкыр 14 км озынлыктагы маршрут буенча барачак: старт һәм финиш «Казан» гаилә үзәгендә планлаштырылган. Спорт бәйрәмендә туй тантанасы, кавер-төркемнәр чыгышы, велосипед уйнату һәм партнерлардан башка бүләкләр оештырыла. Бу хакта шәһәр башкарма комитетында эшлекле дүшәмбедә билгеле булды.

«Шәһәр фестивальләре белән кызыксыну катнашучылар саны белән билгеләнә. Безне ел саен «Төнге велофестка» кушылган кешеләр саны артуы, катнашучылар географиясе киңәюе шатландыра. Һәр фестивальнең үз аудиториясе бар. Шуңа күрә безнең амбассадорлар – шәһәргә җылы һәм яхшы мөнәсәбәттә булган кешеләр, безнең хакта сөйлиләр, шул рәвешле шәһәргә яңа туристларны җәлеп итеп була», – диде Казан мэры Илсур Метшин. Ел саен «Төнге велофестта» Түбән Новгород, Самара һәм Ульяновск халкы катнаша. Быел чараны үткәрү өчен, баннерлар Иркутск, Уфа, Төмән, Калуга, Стәрлетамак, Ярославль һәм Сарапулда урнаштырылган иде.

«Без социаль челтәрләрне һәм иҗтимагый фикерләрне игътибар белән күзәтәбез, кайчакта ни өчен төнге велофест булуы белән кызыксыналар. Бу чараның үз аудиториясе бар. Танылган әсәрдә әйтелгәнчә: «Йолдызлар яндырылса, димәк, бу кемгә дә булса кирәк». Бу очракта да шулай – тикшерелгән формат, без аны үзгәртмәячәкбез», – дип белдерде шәһәр башлыгы.

10 нчы «Төнге велофеста» тематикасы 2024 елда Россиядә игълан ителгән Гаилә елы булачак. Шәһәрнең тарихи өлеше һәм Елга аръягы районы буйлап узган маршрут ике сәгать ярым чамасы вакытны алачак. Катнашучылар өчен Казанның истәлекле урыннары, шәһәрнең танылган гаиләләре һәм шәхесләре турында аудиоэкскурсия әзерләделәр, алар арасында Казан губернасында туып-үскән Анисим Панкратов, ул 1911 елдан 1913 елга кадәр велосипедта дөнья тирәли сәяхәт кылган. «Экскурсияне йөрү вакытында ук тыңларга мөмкин булачак, моның өчен фестивальнең мәгълүмати партнер дулкынына кушылыргап кирәк», – дип билгеләде туризм үсеше комитеты директоры Дарья Санникова

Чарада теләге булган һәркем катнаша ала (балигъ булмаганнарга өлкәннәр белән бергә рөхсәт ителә). 17 августтан 18 августка каршы төндә узачак фестивальгә теркәлү стартка кадәр ачык. Катнашучыларны «Казан» гаилә үзәге парковкасында 20:00 көтәчәкләр, старт 22:00 дә.

Барлык теләүчеләрне оригиналь костюмнарда узышта катнашырга чакыралар, иң якты һәм креатив образларга ия булучылар бүләкләр алачак. Моның өчен «ВКонтакте» социаль челтәрендә #төнге велофест2024 хештегы белән костюм фотографиясен урнаштырырга кирәк.

Фестивальнең һәр катнашучысы кием-салым һәм велосипедта яктылыкны кире кайтара торган элементлар, саклык экипировкасы булырга тиеш. «Самокатларда һәм электросамокатларда катнашучылар җәяүлеләргә тигезләнә, шуңа күрә колоннага кушыла алмыйлар», – дип ачыклык кертте Дарья Санникова.

РФ Эчке эшләр министрлыгы һәм РФ Эчке эшләр министрлыгының Казан буенча идарәсе, шәһәр башкарма комитеты һәм медицина хезмәтләре ЮХИДИ вәкилләре тәртип һәм куркынычсызлыкны тәэмин итәчәк. «Узган велофест буенча яхшы кайтавазлар булды. Бердәнбер теләк – катнашучыларның һәм казанлыларның кисәтүләрен һәм тәкъдимнәрен исәпкә алыгыз. Иң мөһиме – маршрут килешенгән булуга карамастан, мин бу сорауны оештыручылар белән бергә тагын бер кат эшләүне сорыйм. Куркынычсызлык – барысыннан да өстен», – диде шәһәр башлыгы.

Исегезгә төшерәбез, «Төнге велофест» үткәрү вакытында Казанның кайбер урамнары буйлап транспорт хәрәкәте чикләнәчәк. Хәрәкәт барышында киртәләрнең тулы исемлеге белән сылтама буенча танышырга мөмкин.

kzn.ru