Түбән Камада яңа урамга Разил Вәлиев исеме биреләчәк

Көн тәртибендә өч сорау: яңа урамнарга исем бирү, Изге Чишмәне реконструкцияләү проекты авторлары турында мәгълүмат урнаштыру һәм  татар теленә тәрҗемә итүне төзәтү.

Фикер алышуның төп темаларыннан берсе - Түбән Камада яңа урамнар барлыкка килү. Алар «Урман»торак комплексында урнашачак. Исегезгә төшерәбез, комплекс Кояшлы һәм Чишмәле урамнары арасында урман белән чиктәш урнашкан, төзелеш «Рамус Молл» сәүдә үзәге артында алып барыла. Төзүче 25,8 гектар мәйданда 133 шәхси йорт, 60 таунхаус һәм күп фатирлы йортлар төзиячәк. Бүгенге көндә комплекста өч кечкенә урам билгеләнгән. Аларның берсен Түбән Кама районының Ташлык авылында туган Разил Вәлиев истәлегенә атарга карар ителде, ул Түбән Камада татар мәдәниятен үстерүгә һәм саклауга зур өлеш кертте.

«Ул зур түгел,ләкин шулай да үзәк урам. Әйе, безнең шәһәрдә Николай Лемаев, Евгений Королев, Николай Зеленов исемнәре белән аталган   урамнар әлегә юк. Әмма мин бу шәхесләренең масштабы шәхси сектордагы урамнарны атау өчен бик зур, дип саныйм», - диде Түбән Кама муниципаль районы Башкарма комитеты җитәкчесе.

Изге Чишмәне реконструкцияләү проекты авторлары турында мәгълүмат урнаштыру мөмкинлеге турындагы мәсьәлә аерым каралды. Комиссиядә катнашучылар чишмә башлангычының эчке стенасына плитә урнаштырырга тәкъдим иттеләр, анда элек аның барлыкка килү тарихы урнашкан булган. Анда рәссам Владимир Никольский, халык рәссамы Әхсән Фәтхетдинов һәм архитектор Фирдәвис Ханов исемнәрен язарга, алар беренчеләрдән булып, мәдәни мирас объектын реконструкцияләү проектын төзеделәр. Бу турыда   Түбән Кама муниципаль Башлыгы исеменә мөрәҗәгать килгән иде.

Исегезгә төшерәбез, 2001 елда әлеге комплексны реконструкцияләү һәм заманча ял зонасы булдыру буенча зур күләмдә эшләр башкарылды. Шәһәр халкының һәм кунакларының бу яраткан урыны инде күп еллар дәвамында Татарстанда һәм Россиядә тарихи объектларны торгызу һәм заманча ландшафт архитектурасын саклап калуның яхшы үрнәге булып тора, дип ассызыкладылар очрашуда. Ә узган ел биредә «Татнефть» компаниясе ярдәме белән реконструкциянең яңа этабы узды.

«Бу мәсьәләгә урында комплекслы якын килергә тәкъдим итәм. Комиссия белән чыгып, фикер алышачакбыз. Безнең шәһәрдә тарихи урыннар күп түгел: Стахеевлар утары һәм Изге Чишмә, шуңа күрә без аларга аеруча игътибарлы булырга тиешбез», – диде Роман Булатов.

Моннан тыш, очрашуда Түбән Каманың берничә урамын татар теленә тәрҗемә итү турында фикер алыштылар. Шулай итеп, татар телендә Южная (Көньяк урамы), Спортивная (Спорт урамы), Лесная (Урман урамы), Первопроходцев (Беренчеләр урамы) һәм Садовая (Бакча урамы) урамнары да үзгәрәчәк.

Шулай ук тукталышларның исемнәренә дә игътибар ителде. Аларның күбесе искергән яки микрорайон исемнәрен генә йөртә, Түбән Кама кунакларына шәһәрдә ориентлашырга ярдәм итми, дип билгеләп үттеләр. Мәсәлән, «19 нчы микрорайон» тукталышын «Бызов базары» дип, ә «20 нче микрорайон»ны «Кояшлы алан» тукталышы, дип үзгәртергә тәкъдим ителде. Барлык тәкъдимнәр комиссия тарафыннан киңәшмә беркетмәсендә теркәлде.

tat.e-nkama.ru