ТР Милли музеенда җәйге концертлар сезоны «Волга-Волга» вокаль-инструменталь ансамбле чыгышы белән ачылачак

ТР Милли музеенда 30 нчы майда җәйге концертлар сезоны ачыла. Ачык һавадагы сәхнәдә «Волга-Волга» вокаль-инструменталь ансамбле чыгыш ясаячак.

Музыкаль төркем тамашачыларга соңгы өч елда иҗат ителгән җырларын тәкъдим итәчәк. Берничә композиция Россиянең танылган музыкантлары Евгений Маргулис, Владимир Шахрин һәм «Бурановские бабушки» коллективы белән дуэтта яздырылган.

Чарада кунаклар музыкантлар, кино, театр артистлары һәм башка мәдәният эшлеклеләре белән рәсми булмаган төстә аралаша алачак.

Концерт 18:30 сәгатьтә башлана. Барлык теләүчеләр өчен керү ирекле, дип хәбәр итә ТР Милли музее матбугат хезмәте.

kzn.ru