Мәдәни җомга

Казан шәһәре

18+
2024 - Гаилә елы
Республикада

Польша татары: Татарстанда авыл туризмы агентлыгын ачарга телибез

«Татарстанда җир кишәрлеге тотабыз. Без хәзер өч юнәлештә эшлибез: агротуризм, глэмпинг һәм авыл туризмы», - диде Мансур Адамович.

Ике ел элек Татарстанга гаиләсе белән күченгән Польша татары, эшмәкәр Мансур Адамович Татарстанда авыл туризмы буенча үзенең агентлыгын ачу белән шөгыльләнергә теләвен әйтте.

«Татарстанда җир кишәрлеге тотабыз. Мин авыл хуҗалыгы белән, хатыным туризм өлкәсе белән шөгыльләнә. Без хәзер өч юнәлештә эшлибез: агротуризм, глэмпинг һәм авыл туризмы. Хәзерге вакытта хатыным үзенең командасы белән туризм буенча федераль проектны булдыру өстендә эшли. Форум мөмкинлекләр белән уртаклашу, хезмәттәшлек итү урыны да булып тора», - диде ул «Татар-информ» хәбәрчесенә «Татарстанның эшлекле хезмәттәшләре» форумы турында.

Мансур Адамович фикеренчә, мондый форумнар бизнесын башлап җибәрүчеләр өчен дә, тәҗрибәле эшмәкәрләр өчен дә кирәкле урын. «Мисал өчен, 2016 елда бер эшмәкәр белән таныштык. Без быел аның белән бер үк кооперативта эшлибез. Таныш булганыбызны искә төшердек, «син дә татар, мин дә татар» дидек тә, бергә эшли башладык», - диде ул.

Эшмәкәр хәзерге вакытта Кама Тамагында ун гектар кура җиләге утыртканын әйтте. «Кура җиләген җылы һава торышы булганда җыеп, сатарга уйлыйбыз. Узган елның язында Италиядән Казанга үсентеләр алып кайткан идек, киләсе елда өлгергән кура җиләкләрен Италиягә алып барып, сата алырбыз дип уйлыйм. Сату өчен партнерлар кирәкми. Мәсәлән, анда лицензиясе булган үсенте питомниклары бар. Әгәр теләгебез бар икән, ниятебез барып чыгачак», - диде ул.

  • XV «Татарстанның эшлекле хезмәттәшләре» форумында Россиянең 48 регионыннан һәм 13 чит илдән 300гә якын татар эшмәкәре катнаша.

 

Зилә Мөбәрәкшина

"Татар-информ"

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев