Өч журналистка Әлмира Әдиятуллина исемендәге беренче премия тапшырылды

Бүген өч журналистка - Мөслимә Шәфыйкка, Вәсилә Рәхимовага һәм Рәшит Минһаҗга Әлмира Әдиятуллина исемендәге беренче премия тапшырылды.

Унар мең сум күләмендәге акчалата премияләрне Бөтендөнья татар конгрессының Казан бүлеге җитәкчесе, хәйрияче Фәрит Мифтахов «Ярдәм» мәчетендә Әлмира Әдиатуллинаны искә алу чарасында тапшырды.

Былтыр Әлмира Әдиятуллина вафатыннан соң Фәрит Мифтахов дини тормыш турында актив язучы журналистларга Әлмира Әдиятуллина исемендәге премия булдыру теләген белдергән иде. Бүген ул бу премияне үзе тапшырды.

Фәрит Мифтахов Әлмира Әдиатуллинаны искә алу чарасында әлеге премиянең киләсе елда да буласын әйтте.

• Әлмира Әдиатуллинаны искә алу чарасында «Фидакарь мөслимә» китабы тәкъдим ителде.

Рифат Каюмов

"Татар-информ"