«Моя Мишель», Niletto һәм Dabro 8 сентябрьдә «Казан» Гаилә үзәге янындагы концертта чыгыш ясаячак

ТР Дәүләт Советына депутатлар сайлау көнендә, 8 сентябрьдә, «Казан» Гаилә үзәге янында концерт оештырыла. Анда «Моя Мишель», Nilettо, Dabro, татар артистлары Салават Фәтхетдинов, Гүзәл Уразова, Фирдүс Тямаев, Иркә һәм башкалар чыгыш ясаячак.

Шулай ук мәйданчыкта кунакларны төрле активлыклар һәм фуд-корт көтәчәк. Чара 13:00 сәгатьтә башлана, ә артистлар сәхнәгә 14:00 сәгатьтә чыгачак.

Концертка керү «Всей семьей на выборы» беләзекләре буенча башкарылачак. Аларны ТР башкаласында яшәүчеләргә тавыш бирүдән соң бирәчәкләр. Моннан тыш, беләзекләр буенча җәмәгать транспортында бушлай йөрү каралган.

Исегезгә төшерәбез, Казан мэры Илсур Метшин шәһәр халкын ТР Дәүләт Советына депутатлар сайлауда катнашырга чакырды. Казанлылар 463 сайлау участогында тавыш бирә алачак, шуларның 28е вакытлыча булу урыннарында урнашкан. Тавыш бирүчеләр арасында 12 смартфон һәм бер Lada Vesta автомобиле уйнатылачак. Фотоконкурста республика гаиләләре катнаша ала.

kzn.ru