Республикада
Милли китапханәдә Кол Галинең тууына 840 ел тулуга экспозиция оештырылган
Татарстан Милли китапханәсенең классик уку залында шагыйрь Кол Галинең тууына 840 ел тулуга һәм «Кыйсса-и Йосыф» поэмасының 790 еллыгына багышланган китап күргәзмәсе оештырылды.
«Күренекле шагыйрь Кол Галинең гуманистик традицияләре төрки телле әдәбият формалашуга зур йогынты ясады. Ул болгар-татар язма шигърияте нигезен салган, аның поэмасы урта гасыр әдәбиятының алтын фондына кергән», — дип билгеләп үттеләр китапханәдә.
Экспозиция кулъязмалар һәм сирәк китаплар бүлеге фондларыннан кыйммәтле документлар, шул исәптән XVII-XIX гасыр поэмасының кулъязма исемлекләре һәм XIX-XXI гасыр басмалары белән таныштыра.
Следите за самым важным и интересным в Telegram-каналеТатмедиа
Нет комментариев