Мәдәни җомга

Казан шәһәре

18+
2024 - Гаилә елы
Республикада

Әлмәт театры Гаяз Исхакыйның «Ул әле өйләнмәгән иде» әсәре буенча спектакль чыгарды

Режиссер бу драмасында катнаш никахлар һәм милли үзаң темасын күтәрә, сораулар куя һәм җавап эзли.

Әлмәт театры Гаяз Исхакыйның «Ул әле өйләнмәгән иде» әсәре буенча спектакль чыгарды. Спектакльне хәбәрчебез тамаша кылды.

Режиссер Айдар Җаббаровның бу спектакле аның Исхакый циклының дәвамы. Исхакый әсәре аша татар дөньясы, татар менталитеты турында уйлануларын ул Камал театрында куелган «Тормышмы бу?» спектакле белән башлаган иде.

Режиссер бу драмасында катнаш никахлар һәм милли үзаң темасын күтәрә, сораулар куя һәм җавап эзли.

«Бу тема мине күптән борчый. Әлмәт театры спектакль куюымны сорагач, шушы әсәргә тукталдык», — диде Айдар Җаббаров спектакль тәмамлангач.

«Исхакый әсәрендә герой Анна янына кайта. Ә мин кайтармадым, дөресрәге, спектакльдә финалны ачык калдырырга теләдем. Тамашачы үзенчә уйлый ала», — дип дәвам итте ул.

Спектакль карарга Уфадан махсус килгән Гафури театрының баш режиссеры Айрат Абушахманов спектакльне бик ошатуын әйтте. Ул спектакльдә башкортларның мәрхәмәтле ирония белән, матур күрсәтелүен дә ассызыклады.

Гаяз Исхакый әсәрендә төп герой Шәмси кымыз белән дәваланырга башкортлар янына бара.  

 

 

Рузилә Мөхәммәтова 

«Татар-информ» 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев