Казаннан Шанхайга турыдан-туры авиарейсларны март ахырына кадәр озайттылар

Туры авиарейслар Казан – Шанхай көзге-кышкы сезонга озайтыла, ул октябрьнең соңгы якшәмбесендә старт ала. Әйтик, 30 октябрьдән 28 мартка кадәр очышлар атнасына өч тапкыр: чәршәмбе, җомга һәм якшәмбе көннәрендә башкарылачак.

Казаннан Шанхайга очышлар кичке – 20:00 дә, Кытайга килү җирле вакыт белән 9:00 га планлаштырылган. Шанхайдан китү 12:30 га билгеләнгән, Казан аэропортында утырту 17:00 сәгатьтә узачак, дип хәбәр иттеләр ТР башкаласы аэропорты матбугат хезмәтендә.

China Eastern Airlines компаниясе очышларга хезмәт итә. Исегезгә төшерәбез, Казан белән Шанхай арасындагы авиарейсларны 28 сентябрьдә эшләтеп җибәрәчәкләр.

Казан – Шанхай даими туры рейсы беренче тапкыр үтәләчәк. ТР башкаласы туры рейс белән Кытайның иң эре финанс үзәгенә һәм Азиядә һәм дөньяда әйдәп баручыларның берсенә барып җитәргә мөмкин булган Россиянең өченче шәһәре булачак.

kzn.ru