Казанда бәйрәмнәрдә хәрәкәт өчен берничә урам ябылырга мөмкин

Казанда бәйрәм чараларына әзерлек һәм аларны үткәрү чорында кайбер урамнар буенча хәрәкәтне чикләргә мөмкиннәр. Тиешле карар шәһәр муниципаль берәмлегенең Документлар һәм хокукый актлар җыентыгында басылып чыга.

14 нче гыйнварга кадәр кирәк булганда хәрәкәт түбәндәге участокларда ябылырга мөмкин:

С.Хәким урамының ике ягы да, Декабристлар урамы киселешеннән Әпсәләмов урамына кадәр;

Бондаренко урамының ике ягы да, С.Хәким урамындагы 3 нче йорттан С.Хәким урамына тоташканчыга кадәр;

З.Солтан урамы, Ш. Мәрҗани урамыннан К.Насыйри урамына кадәр;

Ш.Мәрҗани урамы, Татарстан урамыннан Ф.Кәрим урамына кадәр.

Кремль урамы, Чернышевский урамыннан Беренче Май мәйданына кадәр.

KZN.RU