Казан милли ярыммарафоны уздырылган көнне кайбер урамнар буенча хәрәкәт чикләнәчәк

ТР башкаласында 1 нче октябрьдә кайбер урамнарда транспорт хәрәкәте чикләнәчәк. Бу көнне Казан милли ярыммарафоны – 2023 узачак.

7:00 сәгатьтән 9:00 сәгатькә кадәр Вишневский урамы (Н.Ершов урамыннан төшү юлыннан Миллениум күперенә кадәр), Миллениум күпере, Подлужная урамы (67 нче йорттан Миллениум күперенә кадәр), Ф.Әмирхан урамы (тоннельгә керүдән Миллениум күперенә кадәр), Миллениум күпере астындагы автомобиль юлы ябылачак.

7:00 дән 10:00 гә кадәр хәрәкәт өчен С.Хәким урамы ябылачак («Ривьера» кунакханә-күңел ачу комплексыннан алып «Ак Барс Арена» стадионына кадәр, А.Козин һәм Нигъмәтуллин урамнарыннан үтә торган юллар рөхсәт ителә).

7:00 дән 10:30 га кадәр С.Хәким урамы (Ф.Әмирхан урамыннан Декабристлар урамына кадәр) ябыла – Батурин урамыннан Кремль дамбасына күтәрелү юлы.

7:00 дән 11:00 гә кадәр Кремль дамбасыннан Кремль яр буена юнәлеш буенча төшү юлы ябылачак.

7:30 дан 11:00 гә кадәр чикләү Кремль яр буенда (Батурин урамыннан Сәетгалиев урамына кадәр), Батурин урамында (К.Маркс урамыннан Кремль яр буена кадәр), Меңьеллык мәйданыннан Батурин урамына кадәр юнәлеш буенча төшү урынында гамәлдә булачак.

8:00 дән 11:00 гә кадәр Пролетар урамын ябачаклар, дип хәбәр иттеләр ТР Спорт министрлыгында.

Исегезгә төшерәбез, Казан милли ярыммарафоны 3, 10 һәм 21,1 км дистанцияләргә йөгерүне, балалар стартларын һәм спорт күргәзмәсен үз эченә ала. Ярышларга 3 меңнән артык кеше теркәлгән. Ярышлар ачылу көнендә «ОММАЖ» төркеме чыгыш ясаячак.

KZN.RU