Казан метрополитенында өстәмә поезд 1 нче июньгә кадәр йөриячәк
Ел башыннан «Метроэлектротранс» хезмәтеннән 9 миллионнан артык пассажир файдаланган.
Казан метрополитенында 11 состав пик сәгатьләрдә 1 нче июньгә кадәр йөреячәк. Җир асты электр транспортының хәрәкәт интервалы 5 минутны тәшкил итәчәк.
Өстәмә электропоезд линиягә февраль башында чыгарылды. Ул 7:00 сәгатьтән 9:00 сәгатькә кадәр һәм 17:00 сәгатьтән 19:00 сәгатькә кадәр йөри. Мондый карар күпсанлы пассажирларга хезмәт күрсәтү һәм платформаларны тиз арада бушату өчен кабул ителгән иде.
«Метроэлектротранс» предприятиесендә хәбәр итүләренчә, быелның беренче кварталында 9 миллионнан артык пассажир ташылган. 2023 елның шул ук чоры белән чагыштырганда, пассажирлар агымы үсеше 20% тан артыгракны тәшкил иткән.
kzn.ru
Следите за самым важным и интересным в Telegram-каналеТатмедиа
Нет комментариев