Казан мэриясендә муниципаль хезмәткәрләр өчен бушлай татар теле курслары эшли башлаячак

Муниципаль хезмәткәрләр Казан мэриясе оештырган татар теле курсларын үтә алачак. Программа 12 дәрестән тора, дәресләр бер сәгать дәвам итәчәк. Курслар берничә әзерлек дәрәҗәсенә исәпләнгән: башлангыч һәм дәвам итүчеләр.

Дәресләрдә Казан мәктәпләре укытучылары база тел, грамматик һәм сөйләм нигезләренә өйрәтәләр. Дәвам итүчеләр төркеменә татар теленнән база белемнәренә ия булучылар керә, биредә сөйләшү күнекмәләрен арттырачаклар. Курсларны тәмамлаучыларга таныклыклар тапшырылачак. Һәр төркемнән курсны уңышлы тәмамлаган өчәр хезмәткәргә истәлекле бүләкләр биреләчәк.

Дәресләр 12 нче февральдә башлана һәм 1,5 ай дәвам итәчәк. Курска язылу өчен сылтама буенча теркәлү узарга кирәк. Курслар тел, грамматика һәм сөйләм нигезләрен үз эченә алган 12 дәрестән тора. Быел барлыгы дүрт курс узачак. Татар телен өйрәнергә теләүче казанлылар өчен бушлай татар теле курслары җәй һәм көз айларында була.

Казан шәһәре Мэриясе бушлай татар теле курсларын беренче тапкыр 2021 елда Туган телләр һәм халыклар бердәмлеге елында оештырды. Курслар ТР Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме үткәрелә.

kzn.ru