Казан мәктәпләрендә икенчел чимал җыю буенча конкурс үткәреләчәк

 Казан мәктәпләрендә «Сортируй с УК «ПЖКХ» конкурсы узачак. Ул тематик дәресләр үткәрүне, икенчел чимал җыюны, башкарылган эш турында презентацияләр һәм видеороликлар әзерләүне үз эченә алачак. Конкурста катнашучыларга грамоталар һәм истәлекле бүләкләр биреләчәк. Иң яхшы коллективлар кыйммәтле бүләкләр белән бүләкләнәчәк.

Төп этап кысаларында – икенчел чимал җыю – мәктәп укучылары калдыкларны сары контейнер-сеткаларга тапшырачаклар. Конкурста катнашучы учреждениеләргә аларны «ПЖКХ» идарәче компаниясе бирәчәк. Сортларга бүленә торган чүп-чар турында мәгълүматны белешмәлектән белергә мөмкин булачак. Икенчел чимал җыюга мәктәп укучыларының ата-аналарын да җәлеп итү рөхсәт ителә. Контейнерларның тутырылуын һәм чүп-чарны аерым җыю сыйфатын региональ оператор хезмәткәрләре күзәтәчәк.

Икенчел чималны аерып җыю турында тематик дәресләр һәм иҗади видеороликлар шулай ук конкурсның аерылгысыз өлеше булачак. Аларны жюри бәяләячәк.

Ярышларда җиңүчеләрне өч категориядә сайлыйлар: 500 укучысы булган мәктәпләр, мең укучысы булган учреждениеләр, меңнән артык баласы булган мәктәпләр. Конкурс турында тулырак мәгълүматны сайтта белергә мөмкин булачак, дип хәбәр итә «ПЖКХ» идарәче компаниясе.

KZN.RU