Казан йөзүчесе дөнья чемпионатында Россиянең яшүсмерләр рекордын куйды

Казанның «Дельта» спорт мәктәбе тәрбиячесе Софья Дьякова Будапештта кыска суда йөзү буенча дөнья чемпионатында яңа яшүсмерләр рекорды куйды. Ул ирекле стильдә 400 метрны 4:02,03 дә йөзеп җиңде.

Спортчы финалга сигезенче вакыт белән чыкты. Алдагы рекорд (4:02,12) шулай ук Софья Дьякованыкы булган, дип хәбәр иттеләр физик культура һәм спорт комитетында.  

Чемпионат бүген башланды һәм 15 декабрьгә кадәр дәвам итәчәк. Ярышларда Россиядән 28 спортчы катнаша, алар арасында ике татарстанлы – Софья Дьякова һәм Андрей Минаков. Вакыйга расписаниесе буенча иртәдән беренчел йөзү ярышлары узды, ә ярымфинал һәм финал ярышлары 19:25 сәгатьтә башлана. Чемпионат Россия каналларының берсе буенча трансляцияләнә.

Исегезгә төшерәбез, элегрәк «Дельта» спорт мәктәбендә тәрбияләнүче Маргарита Вазыхова «Юность России» йөзү буенча Бөтенроссия ярышларында беренче урынны алды. Ярышларда илнең 60 төбәгеннән 11 – 13 яшьлек 700 дән артык спортчы катнашты.

kzn.ru