Казан яхталар фестивалендә илебездә җитештерелгән 30 лап көймә тәкъдим ителәчәк

Татарстан башкаласында Kazan Yachting Festival – 2023 суда яхталар һәм катерлар күргәзмәсе узачак. Анда Татарстан һәм күрше төбәкләрдән җитештерүчеләр катнашачак.

Суга 25-30 яңа катер һәм яхталар төшереләчәк, шулай ук бәйле товарлар тәкъдим ителәчәк. Күргәзмә директоры Дмитрий Макаров хәбәр иткәнчә, экспонатлар арасында SEARENE yachts компаниясенең яңартылган катере булачак, аларны Чистайда җитештерәләр. Шәһәр халкының сатып алу өчен көймә сайларга яки үз таләпләре буенча кулдан судно төзергә мөмкинлеге булачак. Шулай ук казанлыларга кешеләрне ничек ташырга икәнлеге, көймәне саклау һәм иминиятләштерү турында да сөйләячәкләр, дип хәбәр итте оештыручылар. 

Элегрәк мондый фестивальләр Самарада, Владивостокта һәм Мәскәүдә узган. Чаралар күрсәткәнчә, күргәзмәдә катнашучыларга күрсәтерлек әйберләр бар, яхталарда сәяхәт итү һәм су туризмы белән кызыксыну арта бара. 

«Шәһәр Мэры Илсур Метшинның Татарстан башкаласын судагы шәһәр буларак үстерүне йөкләвен белдек һәм күргәзмәне монда оештырырга булдык», – дип аңлатты Дмитрий Макаров. Аның сүзләренчә, чара Казанда икенче тапкыр узачак – 2019 елда күргәзмәне 350 кеше караган. 

Күргәзмә 7 нче һәм 8 нче июльдә «Локомотив» яхта-клубында эшләячәк. Чараны Мәскәү һәм Питерның көймәләр тамашасын оештыру белән шөгыльләнүче команда үткәрә.

 KZN.RU,