Казан Гимнастик премьер-лигасының икенче турын кабул итәчәк

Татарстан башкаласы Гимнастик премьер-лиганың икенче турын кабул итәчәк. Ярышлар 17 ноябрьдә узачак.

Гимнастик премьер-лига – профессиональ спортчылар арасында ярышларның яңа форматы. Командалар 8 декабрьдә Мәскәүдә узачак финалга чыгу хокукы өчен көрәшеп, турнир челтәре аша уза. Бу көн сезонның кульминациясе булачак, ул вакытта ике иң көчле команда төп уенда очрашачак, дип хәбәр иттеләр Россия спорт гимнастикасы федерациясендә.

Беренче турда «Крылатые Барсы» Казан командасы җиңде. Аны БРИКС Уеннары чемпионы һәм ике тапкыр Россия чемпионы Даниел Маринов җитәкли.

Икенче тур 13:00 сәгатьтә Сыртланова урамы, 6 адресы буенча Гимнастика үзәгендә старт ала. Чарага керү ирекле.

Исегезгә төшерәбез, 15 ноябрьдә Казанның Бокс һәм өстәл теннисы үзәгендә Кытай һәм Россия профессиональ уенчылары, шулай ук ике илнең рәсми затлары арасында өстәл теннисы буенча күргәзмә турниры узачак. Ярышлар «РОСТКИ: Россия һәм Кытай – үзара файдалы хезмәттәшлек» форумы кысаларында уздырыла. Турнирны теләге булган һәркем карый алачак.

kzn.ru