«Казан» гаилә үзәгендәге күзәтү мәйданчыгы кышкы ялдан соң кабат эшли башлый

Җомга, 22 нче мартта, «Казан» гаилә үзәгендәге күзәтү мәйданчыгы казанлыларны һәм башкала кунакларын кабат кабул итә башлаячак.

ТР башкаласының матур күренешләрен 32 метрлы биеклектән көн саен 10:00 дән 20:00 гә кадәр күзәтеп булачак, техник тәнәфес – 14:30 дан 15:00 гә кадәр. Олылар өчен билет бәясе 200 сумны тәшкил итә, 7 яшьтән 18 яшькә кадәрге балалар өчен – 100 сум, җиде яшькә кадәр – бушлай.

Ташламалар турында һәм күзәтү мәйданчыгы белән бәйле башка мәгълүматны сылтама буенча табарга мөмкин, дип хәбәр итә парклар һәм скверлар дирекциясе.

Исегезгә төшерәбез, «Казан» гаилә үзәгендәге күзәтү мәйданчыгы үз эшен гыйнварда төгәлләде. Бәйрәм көннәрендә, 31 нче декабрьдән 8 нче гыйнварга кадәр, анда 12 меңнән артык кеше булган, ә гомумән 2023 елда – 400 меңнән артык. Күзәтү мәйданчыгы кышкы чорда өченче ел рәттән эшли.

kzn.ru