Казан автомобильчеләренә җәйге шиннарны кышкыга алыштырырга киңәш ителә

Һава шартлары үзгәрү сәбәпле, автомобиль хуҗаларына җәйге резинаны кышкы резинага алыштыру турында кайгыртырга кирәк. ТР Гидрометүзәге фаразлавынча, ял көннәрендә Татарстанда -3 градуска кадәр суыта, җепшек кар рәвешендә явым-төшем булырга мөмкин.

Кышкыга якын булган шартларда җәйге шиннарны куллану тормоз юлын ике тапкыр арттырырга мөмкин. Белгечләр резинаны кышкыга алыштырырга киңәш итә, чөнки уртача тәүлеклек температура +5 градус тирәсендә тирбәлә. 

Машинада төнлә яки иртә таңнан еш йөрүчеләргә дә шиннарны алыштырырга кирәк. Бу вакытта юлның бозлы участогына эләгергә мөмкин. 

Исегезгә төшерәбез, 1 нче сентябрьдән Россиядә кышкы чорда җәйге тәгәрмәчләрне куллану тыелган. Хокук бозучыларга 500 сум күләмендә штраф яный. Шул ук вакытта тыю 3,5 тоннага кадәр авырлыктагы транспорт чараларына да кагыла. 

Катлаулы юл-метеорологик шартларда машина йөртүчеләргә юл күремен һәм торышын исәпкә алып хәрәкәт куркынычсызлыгын тәэмин итә торган тизлекне сайларга кирәк. Куркыныч маневрлардан тыелырга кирәк, бигрәк тә каршы як хәрәкәт полосасына чыгу белән бәйле. 

Элегрәк КФУ эксперты Казан территориясендә даими кар катламы 17 нче ноябрьгә формалашырга тиешлеген әйткән иде, бу климат нормасы булып санала. Бу вакытта температура да тотрыклы рәвештә нульдән түбәнгә күчәчәк.

KZN.RU