Иртәгә Казанда традицион авыл хуҗалыгы ярминкәләре узачак

Иртәгә Казанда традицион авыл хуҗалыгы ярминкәләре узачак. Шәһәрлеләр өчен республиканың 22 муниципаль районы һәм Татарстанның агросәнәгать комплексының 18 оешмасы җитештерүчеләреннән түбән бәяләр буенча продукция тәкъдим ителәчәк.

Сәүдә шәһәрнең 15 мәйданчыгында 6:00 дән 13:00 гә кадәр алып барылачак.

Салават Күпере халкы өчен ярминкә Осиново поселогы, Садовая урамы, 9 адресы буенча урнашкан сәүдә үзәге янындагы парковкада узачак.

Мәйданчыкларда даими рәвештә ветеринария-санитария шартларын тикшерәләр һәм җәмәгать тәртибен һәм юл хәрәкәте иминлеген тәэмин итәләр. Кайнар линия телефоны: +7(843)223-27-72 (өст.84331).

Узган атнада Татарстан Рәисе Рөстәм Миңнеханов һәм республика башкаласы Мэры Илсур Метшин «Казан» агросәнәгать паркында авыл хуҗалыгы ярминкәсендә булдылар. Алар сәүдә рәтләрендәге ассортимент һәм азык-төлек бәяләре белән танышты, сатучылар, фермерлар һәм сатып алучылар белән аралашты.

Тулырак:  https://kzn.ru/meriya/press-tsentr/novosti/zavtra-v-kazani-proydut-traditsionnye-selkhozyarmarki/