Ирек Шәрипов Бөтендөнья татар конгрессында җитәкче урынбасары итеп билгеләнгән

Конгресс сайтында күренгәнчә, ул Бөтендөнья конгрессының Татарстан Респубикасындагы бүлекләре белән эшләү комитетын җитәкли.

Ирек Шәрипов 2011 елда Ижевскидан Казанга нәкъ менә Бөтендөнья татар конгрессына эшкә чакырылган иде.

• Ирек Шәрипов Казан дәүләт университетының журналистика бүлеген тәмамлап, Ижевскида яшәде, Удмуртиядә телевидениедә эшләде, «Яңарыш» татар газетасын җитәкләде. 2011 елдан Бөтендөнья татар конгрессының башкарма комитеты җитәкчесе урынбасары булып Казанга килде. 2012-2023 елларда ТР Халыклар дуслыгы йортын җитәкләде.
• Удмуртия Республикасының атказанган журналисты, Татарстан Республикасының атказанган мәдәният хезмәткәре.

Рузилә Мөхәммәтова

"Татар-информ"