Ирада Әюпова: Төзелешнең финал өлешенә җиттек — Камал театры БРИКСка ачылачак

admin, 4 октябрь 2024 - 10:00

700

Галиәсгәр Камал исемендәге Татар дәүләт академия театрының яңа бинасы быел вакытында ачылырга тиеш. Бу турыда мәдәният министры Ирада Әюпова журналистларга Мәдәният министрлыгына үткән брифингта әйтте.

Ирада Әюпова: Төзелешнең финал өлешенә җиттек — Камал театры БРИКСка ачылачак

«Камал театры бинасын БРИКСка ачарга максат куелган һәм ул ачылачак», – диде ул.

«Төзүчеләр көне-төне эшлиләр. Инде финал өлешенә җиттек: аппаратуралар урнаштырыла башлады, җиһазлар ташыйлар. Хәзер бүлмәләрне кабул итә башладык», – дип дәвам итте министр.

Әюпова Камал театрында булачак дүрт залның да әзерлек дәрәҗәсен тасвирлап чыкты. Ул бер залның – Камера залының тулысынча әзерлеген җиткерде. Универсаль залның техник ягы эшләнеп бетеп баруын әйтте. «Дөньяда булмаган гаҗәеп Шәрыкъ залы да бар. Зур залның да җиһазларын урнаштыра башладылар», – диде ул.

«Рөстәм Нургалиевич БРИКСка ачарга дигән максат куйды. Шушы максат буенча эшлибез – төзүчеләр дә, тикшерүче органнар да», – дип нәтиҗә ясады Ирада Әюпова.