Бүген Казанда татар атларына багышланган сәнгать күргәзмәсе ачыла

Анималистик күргәзмәдә республикабызның һәм Россиянең 40тан артык рәссамының зәвыклы, график, скульптура эшләре һәм декоратив-гамәли сәнгать әйберләре тәкъдим ителгән.

«Шагыйрьләр, композиторлар, рәссамнар элек – электән атларга үз иҗатларын багышлыйлар, – дип искәртте музей җитәкчесе Марианна Гаврилова. – Күргәзмә үзләрен бу матур хайваннарның көче һәм мәрхәмәте җәлеп иткән, батыр һәм аның сугышчан аты турындагы борынгы легендаларны яратучылар өчен кызыклы».

Дөньяда 400 дән артык ат токымы бар. 2018 елда аларга татар токымы – аргамак өстәлде: аны РФ Авыл хуҗалыгы һәм азык-төлек министрлыгының дәүләт комиссиясе теркәгән. Борынгы аргамаклар хуҗалыкта һәм хәрби эштә кулланыла. Аннары юкка чыга диярлек. Татарстанда бу токымны торгызу «Татар аргамагы» күргәзмә проектын булдыруга этәргеч бирде.

Проектны оештыручылар – ТР Рәссамнар берлеге, «Татар аргамагы» АКО, ат токымнарын торгызу үзәге һәм «Алмакай» ат ишегалды. Беренче тапкыр күргәзмәне 2020 елда Лениногорскида тәкъдим иттеләр. Аннан соң Татарстанның башка шәһәрләрендә һәм районнарында күрсәттеләр.

Күргәзмә 16 сәгатьтә ачыла, керү ирекле. Күргәзмәне 25 сентябрьгә кадәр музей билетлары һәм Пушкин картасы буенча карарга мөмкин.

Татар конгрессы