Азнакайда Әзһәр Шакировның яңа китабын тәкъдим иттеләр
Шәһәребезнең Мәдәни үзәгендә Россия һәм Татарстанның халык артисты, Габдулла Тукай исемендәге дәүләт премиясе лауреаты, Азнакайның Почетлы гражданы Әзһәр Шакировның әле генә табадан төшкән “Халкыбызның кадерле шәхесләре” исемле китабын тәкъдир итү кичәсе узды.
Аны ачып, район башлыгы Марсель Шәйдуллин олпат шәхесебез, горурлыгыбыз булган Әзһәр ага Шакировны барлык азнакайлылар исеменнән туган җирендә сәламләп, изге теләкләрен ирештерде.
Халкыбызның милли гәүһәрләре булган шәхесләргә багышлап иҗат ителгән китап гаять эчтәлекле, йөгерек телле булуы белән җәлеп итә. Аның буенча фикер алышып, азнакайлылар Әзһәр ага Шакировның татар сәнгатендә озак еллар алып барган эшчәнлеген югары бәяләделәр һәм “Халкыбызның кадерле шәхесләре” исемле китабы татар дөньясында тарихка кереп калачагын ассызыкладылар.
Лиза НУРЛЫЕВА
Следите за самым важным и интересным в Telegram-каналеТатмедиа
Нет комментариев