Мәдәни җомга

Казан шәһәре

18+
Республикада

«Апуш.Нәниләр» мәктәп-студиясенең яшь артистлары Г.Камал исемендәге театр сәхнәсендә чыгыш ясаячак

«Апуш.Нәниләр» мәктәп-студиясенең яшь артистлары Г.Камал исемендәге театр сәхнәсендә чыгыш ясаячак.

8 апрельдә Г.Камал исемендәге театрның яңа бинасында драматург Айгөл Әхмәтгалиева әсәре буенча «Апуш.Нәниләр» балалар театр студиясенең премьерасы узачак, – дип хәбәр итә Казан мэриясе.

«Тыз-Быз» пьесасы узган ел Казан мэриясенең «Алмачуар» драматургия бәйгеседә җиңүче булды. Спектакльнең гамәлдәге затлары – «Апуш.Нәниләр» мәктәп-студиясендә тәрбияләнүчеләр. Куелышның режиссеры актерлык осталыгы педагогы, театр һәм кино актрисасы Гүзәл Сибгатуллина булды. Проект өстендә эшләүгә алдан ук әзерләнгәннәр. «Репетицияләр кыш башында ук башланды, рольләр бүленеше, биюләр куелышы, җырлар ятлау, костюмнар тегү, декорацияләр әзерләү – барысы да профессиональ театрларныкы кебек», – дип уртаклашты мәктәп-студия кураторы.

Спектакль 16:00 сәгатьтә Г.Камал исемендәге Татар дәүләт академия театрының яңа бинасының универсаль залында башлана.

Исегезгә төшерәбез, «Апуш.Нәниләр» театр студиясе мэрия инициативасы белән татар теленә ярдәм итү һәм үстерү мәсьәләләре буенча ТР рәисе аршындагы Комиссия ярдәмендә ачылды. Студиянең төп максаты – балаларда туган телне өйрәнүгә кызыксыну уяту. Студиядә Казан театрлары артистлары һәм Татарстанның атказанган артистлары Гөлназ Науметова һәм Алсу Фәйзуллина, шулай ук Татарстан дәүләт ансамбле балеты артисты Алсу Мәгъсүмҗанова эшли.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев