Әлмәт мөхтәсибәте «Әйтер сүзем бар» дигән вәгазь бәйгесе игълан итте

Әлмәт мөхтәсибәте татар телендә вәгазь осталыгы буенча «Әйтер сүзем бар» исемле дини бәйге игълан итә.

Конкурста 9 яшьтән чикләнмәгән яшькә кадәр теләгән һәркем катнаша ала. Балаларга ата-аналар яки зурлар белән катнашырга рөхсәт ителә.

Конкурс өч яшь категориясе буенча үткәрелә аларның һәрберсендә өч призлы урын бирелә:

- "кече төркем" - 9-12 яшьлек балалар;

– "урта төркем" - 13-17 яшьлек егетләр һәм кызлар;

– "өлкән төркем"  - 18 яшьтән чикләнмәгән яшькә кадәр ирләр һәм хатын-кызлар;

- дин әһелләре өчен аерым номинация.

Конкурс нигезләмәсендә күрсәтелгән темаларга татар телендә вәгазьләр язарга кирәк. Эшләрне 2022 елның 12 декабренә кадәр vagaz-almet@mail.ru почтасына җибәрергә кирәк.

Призлы урыннарны алган җиңүчеләр кыйммәтле бүләкләр һәм катнашучы дипломы белән бүләкләнәләр.

Тулырак мәгълүматны оештыручылар телефоны буенча белергә була: 89179316571
 

"Әлмәт таңнары"