100 дән артык казанлы көзге донорлык акциясендә катнашты

Казанда узган көзге донорлык акциясендә 103 кеше катнашты. Теләге булган һәркем шулай ук сөяк мие донорлары регистрына керә алган, дип хәбәр итә «Игелекле Казан» АКбО.

«Росплазма» кан үзәге филиалындагы акциягә сәламәтлек торышы буенча каршы күрсәтмәләре булмаган балигъ булган шәһәр кешеләре кушылды. Иреклеләргә сувенирлар бүләк иттеләр.

Чара «Росплазма»ның Казан филиалы тарафыннан «Игелекле Казан» АКбО белән берлектә, DonorSearch.org кан донорлары берләшмәсе, «Татнефть» хәйрия фонды һәм гражданлык җәмгыятен үстерүгә ТР рәисе гранты ярдәмендә үткәрелә.

Исегезгә төшерәбез, сентябрьдә гаилә донорлык акциясе узды. Казанлылар республика кан банкын 52,5 литрга тулыландырды. Анда 130 дан артык кеше катнашты, шуларның 117се донор булды.

kzn.ru