Мәскәүдә Габдулла Тукай һәйкәленә чәчәкләр салдылар

Мәскәү татарлары автономиясе активистлары, Татар мәдәнияте үзәге хезмәткәрләре һәм иҗат коллективлары әгъзалары бөек татар шагыйре Габдулла Тукайны искә алды һәм аның Новокузнецк урамындагы һәйкәленә чәчәкләр куйды.

Бөтендөнья татар конгрессының матбугат хезмәте хәбәр иткәнчә, Татар мәдәнияте үзәге директоры Әнвәр Хөсәенов чарада катнашучылар алдында ясаган чыгышында әлеге һәйкәлне урнаштыру тарихы, ә китапханә мөдире Розалия Хәнәфиева Габдулла Тукайның татар әдәби теле формалашуда уйнаган роле хакында сөйләде. Алар шагыйрьнең күпмилләтле Россия мәдәниятенә керткән өлешен онытмаска һәм аның иҗади мирасын сакларга чакырды. 

«Татар-информ»