Теле барның иле бар
Ижауда «Татар кызы-2020» бәйгесенең финалы узачак
2 августта Ижауда «Теремок» гаилә кафесы-паркы сәхнәсендә Удмуртия «Татар кызы-2020» конкурсының күптән көтелгән финалы узачак. Бәйгедә берничә сайлау этабы узган 8 кыз катнашачак, дип хәбәр итә Удмуртиянең Халыклар дуслыгы йорты.
Шулай ук быел беренче тапкыр нәниләр арасында «Нәни Асылташ» конкурсы үткәрелә. Җиңүче титулы өчен алты кызчык көрәшәчәк. Финалда катнашучылар бер-берсе белән гореф-гадәтләрне, туган телне, мәдәниятне һәм гореф-гадәтләрне белүдә көч сынашачак.
Конкурста җиңүчеләрне кыйммәтле бүләкләр көтә. Матурлык конкурсын тамаша кылучылар дәртле биюләр һәм күңелле җырлар белән хозурлана алачаклар.
Следите за самым важным и интересным в Telegram-каналеТатмедиа
Нет комментариев