Яшел Үзән районы халкы Иделдә боз кузгалганны видеога төшергән

 Кичә социаль челтәрләрдә Яшел Үзән районында Иделдә боз кузгалганны төшергән видео урнаштырганнар.

Беренче видео Яшел Үзән һәм Түбән Карамалы бистәсе арасындагы Романов тимер юл күпере янында төшерелгән. Елга ярында берничә кеше җыелган, барысы да боз киткәнне телефон камерасына төшерә.

«Кузгалды гына әле менә, яр буеннан бозлар ага башлады», - дип шәрехли видео авторы.

Икенче видеофрагмент Щуряч утравы янында төшерелгән, дип язган ролик авторы. 

«Татар-информ»