Мәдәни җомга

Түбән Камада Туфан Миңнуллин әсәре геройларына һәйкәл куелачак

Түбән Камада Татар дәүләт драма театры каршындагы мәйданны төзекләндерү дәвам итә. Айдар Метшин катнашында узган күчмә киңәшмәдә учреждение янындагы территориядә урнаштырылачак бронза сын турында фикер алыштылар.

Эскизны Казан скульпторы әзерли. Һәйкәл Туфан Миңнуллин әсәре геройларын - карт белән малайны сынландыра. Композициянең биеклеге ике метрдан артык, аны көзен ачачаклар.

 

 

Билгеле булганча, яңартылган драма театры Түбән Камада узган елның декабрь ахырында ачылды. Капиталь реконструкция март аеннан декабрь аена кадәр дәвам итте. Бу вакыт эчендә 250 урынга исәпләнгән яңа тамаша залы, декорация склады, рәссамнар өчен остаханә төзелде. Бина эчен бизәкләү эшләре башкарылды. Бинаның тышкы ягы, керү урыны, театрның эче тулысынча үзгәрде. Моңа республика бюджетының 145 млн сумнан артык акчасы юнәлтелде.

 

Түбән Кама муниципаль районы рәсми сайты

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: