Мәдәни җомга

Казан шәһәре

Республикада

Рөстәм Миңнеханов: Татарстандагы һәр хатын-кыз икешәр, өчешәр бала тапсын иде

«Демография мәсьәләсе бүгенге көндә бик кискен тора», — диде Президент.

Татарстан Президенты Рөстәм Миңнеханов республикада демография мәсьәләсе турында борчылуын белдерде.

«Һәр хатын-кыз икешәр, өчешәр бала тапсын иде. Бу мәсьәлә бүгенге көндә бик кискен тора. Татарстан 2010 елдан демографиядә уңай күрсәткечтә булды. Моңа пандемия дә комачау итте: без хәзер 2003 елдагы демография күрсәткеченә төштек», диде — ул мәгълүмати-коммуникацион технологияләр һәм элемтә өлкәсендә эшләүче хатын-кызлар белән очрашуда.

Президент фикеренчә, элек һәр гаиләдә өчәр бала табу гадәткә әйләнгән булган. «Элек шартлар бөтенләй башка булса да, аңа карап кына өйдә балалар саны кимрәк булмаган. Кешеләр яхшырак шартларда яши башласа, күбрәк үзләре турында уйлый, киләчәк өчен борчылмый. Аңлашыла, баланы тапканнан соң, аны әле үстерәсе дә бар Кагыйдә буларак, бу хатын-кызлар җилкәсенә төшә», — диде ул.

Рөстәм Миңнеханов республикада перинаталь үзәк төзелә башлавын да әйтте. «Үзәктә яшь әниләрне бизәндерү өчен аерым бүлмә дә булачак. Әле сроклары төгәл билгеле түгел», — дип өстәде республика Президентының матбугат хезмәте җитәкчесе Лилия Галимова. 

 

Зилә Мөбәрәкшина 

«Татар-информ» 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев