Мәдәни җомга

Казан шәһәре

18+
2024 - Гаилә елы
Республикада

Питрәч районындагы Тагаш авылында эдильбаев токымлы сарыклар үрчетә башладылар

Мондый токымлы хайваннар чыдам, асрау өчен җайлы һәм тиз симерә.

 Татарстанның Питрәч районындагы Тагаш авылында эдильбаев токымлы сарыклар үрчетә башладылар.

Хайваннарны «Агрострой» җаваплылыгы чикләнгән җәмгыять асрый. Бу турыда «Татар-информ» агентлыгына район хакимиятендә хәбәр иттеләр.

Сарыклар үрчетү белән хуҗалык ике ел элек кызыксына башлаган. Бу вакыт эчендә 1500-1600 баш терлек асрауга исәпләнгән биналар төзелгән.

Эдильбаев сарыклары бик чыдам, асрау өчен җайлы һәм тиз симерә. Бу токымның шундый өстенлекле яклары бар. Алар озын аяклы, нык сөякле һәм бер метр биеклектәге хайваннар. Бер тәкәнең авырлыгы 60 килограммнан 80 килограммга кадәр тәшкил итә.

«Бүген биредә токымлы 10 баш терлек асрала. Фермерлар аларны тәҗрибә өчен сатып алган, аларга бу токым ошады. Үрчетәчәкләр. Киләчәктә бу хуҗалык базасында нәселле хуҗалык булдырырга җыеналар. Хәзерге вакытта биредә 18 кеше эшли, җәйге сезонда тагын хезмәткәрләр җыярга уйлыйлар», — дип ачыклык кертте администрация башлыгы. 

 

Эльза Кузнецова 

«Татар-информ» 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев