«Әкият» курчак театрында Гумилев пьесасы буенча репетицияләр башланган
Белоруссия режиссеры Олег Жюгжда куячак спектакльнең премьерасы 15 апрельгә билгеләнгән
Кичә «Әкият» татар дәүләт курчак театрында Николай Гумилевның «Дитя Аллаха» пьесасы буенча репетицияләр башланды.
«Спектакль куярга легендар режиссер Олег Жюгжда чакырылды. Аның Казанга спектакль куярга килүе — театр өчен сөенечле яңалык», дип хәбәр итә театрның матбугат үзәге.
«Олег Жюгжда Гродно өлкә курчак театрының баш режиссеры. Ул Россиядә һәм Европада да билгеле режиссер. Ул куйган спектакльләр театр дөньясында зур вакыйга», — диелә театр хәбәрендә.
Спектакльне куючы төркем Белоруссиядән: рәссам — Людмила Скитович, композитор — Павел Кондрусевич, хореограф — Ирина Ткаченко.
Тамашаның премьерасы 15 апрельгә планлаштырыла.
Спектакль «Кече ватан мәдәнияте» федераль проект кысаларында куела.
Рузилә Мөхәммәтова
Следите за самым важным и интересным в Telegram-каналеТатмедиа
Нет комментариев