Мәдәни җомга

Казан шәһәре

Республикада

Казанлылар экология буенча белемнәрен экодиктант ярдәмендә тикшерә ала

Һәр катнашучы 25 сорауга җавап бирергә тиеш булачак.

Быел Бөтенроссия экологик диктанты 14-нче ноябрьдән 21-нче ноябрьгә кадәр узачак. Төрле яшьтәге һәм әзерлек дәрәҗәсендәге казанлылар акциягә кушыла һәм белемнәрен тикшерә ала.

Акция проект сайтында онлайн тест форматында узачак. Һәр катнашучы 25 сорауга җавап бирәчәк, аларның эчтәлеге катлаулылык дәрәҗәсенә бәйле: 12 яшьтән кечерәк балалар, 12 яшьтән 18 яшькә кадәрге яшүсмерләр, профильле белеме яки экология өлкәсендә тәҗрибәсе булмаган өлкәннәр, профильле белемнәре һәм экология өлкәсендә тәҗрибәләре булган өлкәннәр өчен.

Экодиктант – экологик белемнәрне популярлаштыруга, экологик хокук бозуларны кисәтү һәм экологик иминлекнең төп өлешен тәшкил итүче чаралар сыйфатында экологик грамоталылык дәрәҗәсен арттыруга юнәлдерелгән ел саен уздырыла торган акция. Ул Бөтендөнья икенчел эшкәртү көненә багышланган һәм Россия Федерациясе Федераль Собраниесе Федерация Советы ярдәмендә үткәрелә.

Узган ел экодиктантта 16 мең 226 татарстанлы катнашты, шул исәптән 11 мең 195 мәктәп укучысы. Республика, катнашучылар һәм җиңүчеләр саны буенча, Россиядә беренче урынны яулады, дип хәбәр итә ТР Экология һәм табигый ресурслар министрлыгы.

 

kzn.ru

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев