Мәдәни җомга

Кайбыч районында яшәүче кул остасы ТАССРның 100 еллыгына эскәтер чиккән

Кайбычтагы Галия Кайбицкая исемендәге музейның бүләкләр коллекциясе тагын бер эксклюзив экспонатка баеды — бергә ике метр үлчәмдәге эскәтерне Чүти авылында яшәүче Румия Шитаева «Бүләк бирәм» акциясе кысаларында ТАССР төзелүгә 100 ел тулуга багышлап махсус бәйләгән.

Эскәтернең чит-читләре челтәрләп бәйләнгән, уртасында «ТАССР 100 ел» дигән язуы урнаштырылган. Румия Шитаева осталыгын башкалар белән дә уртаклаша, белгәннәрен башкаларга да өйрәтә. Музейда сәламәтлеге чикле балаларның әниләре белән үткәргән мастер-класс барышында да энә белән бәйләү серләренә өйрәткән булган.

Якын киләчәктә аның кул эшләрен бергә туплаган шәхси күргәзмәсен оештырырга уйлыйлар.

 

kaibicy.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: