Мәдәни җомга

Казан шәһәре

Республикада

Камал театрында Сәлимҗанов премиясен тапшырдылар

Лауреатларны Татарстан мәдәният министры Ирада Әюпова котлады.

Марсель Сәлимҗанов исемендәге республика премиясенең яңа лауреатлары билгеле.

Комиссия әлеге премияне Камал театрының күренекле артисты Илдар Хәйруллинга, драматург һәм режиссер Салават Юзеевка һәм «Живой город» заманча сәнгатькә ярдәм фонды директоры Инна Ярковага бирергә карар итте.

Лауреатларга премияне ТР мәдәният министры Ирада Әюпова тапшырды.

Марсель Сәлимҗанов исемендәге республика премиясе 2014 елда гамәлгә куелды. Ул ике елга бер тапкыр өч кешегә тапшырыла. Күләме 200 мең сум.

Премиянең 2015 елгы беренче лауреатлары — Камал театрының күренекле артисты Ренат Таҗетдинов, Әтнә театрын аякка бастырган легендар шәхес Гомәр Мәрданов һәм Түбән Кама театрына нигез салган шәхес, аның директоры Рөстәм Галиев.

2017 елда премия Казан ТЮЗы коллективына, Минзәлә театры директоры Роберт Шәймәрдановка һәм вафатыннан соң драматург Ризван Хәмидкә бирелде. 2019 елгы лауреатлар — М. Җәлил исемендәге Опера һәм балет театры солисты Гөлнора Гатина, драматург Зиннур Хөснияр һәм Камал театры артисты Фәнис Җиһанша.

 

 Рузилә Мөхәммәтова 

«Татар-информ» 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев