Мәдәни җомга

Чаллыда пенсионер әби мәчет төзелешенә 200 мең сум акча күчергән

Җәмигъ мәчетен төзүгә ярдәм күрсәтү фонды дини объект торгызуга хәләл акчасын биргән хатын-кызга рәхмәт белдерде.

Чаллыда пенсионер әби Җәмигъ мәчете төзелешенә 200 мең сум акча күчергән.

Җәмигъ мәчетен төзүгә ярдәм күрсәтү фонды дини объект торгызуга хәләл акчасын биргән хатын-кызга рәхмәт белдерде.

Фонд җитәкчесе Уел Хөсәенов сүзләренчә, гади гражданнар мәчет төзелешенә бик теләп акча күчерә. «Кешеләр, 50, 100 сум, 3 мең сум да бирә. Әлбәттә, зур суммада акча күчерүчеләр дә булгалый. Еш кына алар зур эшкуарлар яки компанияләр булып чыга. Мәчет торгызуда катнашучы төзүчеләр эшнең бер өлешен бушлай башкара. Бу да җитди өлеш. Соңгы вакытта Җәмигъ мәчете төзелешенә ярдәм күрсәтергә теләүчеләрнең артуына шатбыз», - дип искәртте Хөсәенов.

«Татар-информ» агентлыгы быелның тугыз аенда фондның 25 миллион сум акча җыюы хакында хәбәр иткән иде. Шуның 4 миллион 400 меңен билгесез булып калырга теләгән кешеләр биргән.

 

Эльвира Мөхәммәтдинова 

«Татар-информ» 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: