Мәдәни җомга

Казан шәһәре

Республикада

Быел Казанда 7 меңнән артык яңа яктырткыч урнаштырылачак

Яктырту челтәрләре 266 ишегалдында, 33 поселокта һәм алты паркта ремонтланачак һәм булдырылачак.

Тышкы яктырту челтәрләре «Безнең ишегалды» программасы кысаларында 266 ишегалдында реконструкцияләнәчәк. Шуларның 118 ендә беренче тапкыр тышкы яктырту барлыкка киләчәк. Ишегалларында барлыгы 2276 багана урнаштырылачак. 

2022 елда Татарстан Республикасы территориясендә заманча шәһәр мохитен формалаштыру чараларын тормышка ашырганда, тышкы яктырту челтәрләре алты паркта һәм скверда төзелгән инде: республика төзелеш тармагының 100 еллыгы скверында; Салават күпере торак комплексы паркында; «Балыкчы бакчасы» һәм «Светлая долина» паркларында; Юныс мәйданында һәм Покровский соборы янында. Аларда барлыгы 429 яктырткыч куелачак. 

«Казан шәһәренең урам челтәрен ремонтлау» программасын гамәлгә ашыру кысаларында 526 багана, 924 яктырткыч, 23 км һава линиясе һәм 3 км кабель линиясе урнаштырылачак. Аерым алганда, яктырту Петровский поселогыннан Вороновка поселогына һәм Каспий урамы буйлап Царицыно поселогына Яңа Сосновкадагы Лесная урамына кадәр юлларга, Турист урамыннан Займище станциясенә кадәр Зөбәрҗәт күленә, Яңа Сосновкадагы (Киндери) Раздольная урамына һ.б. киләчәк. 

Автомобиль юлларын төзү һәм реконструкцияләү кысаларында шәһәр урамнарында 1304 яңа яктырткыч барлыкка киләчәк. 625 – Горький шоссесында, 217 яктырткыч Чуйков урамыннан алып Миль урамына кадәр Әмирхан урамында, шулай ук Восход урамында (Серов урамыннан тимер юлга кадәр); Энергетиклар урамында, Четаев урамында (Әпсәләмов урамыннан Бондаренко урамына кадәр), Вознесение трактында, Осиновская һәм Новосельская урамнарында урнаштырылачак. Липатов урамыннан Дәрвишләр бистәсендәге зиратка кадәр юлда, шулай ук Сәлимҗанов һәм Спартак урамнарындагы тротуарларда инде яктырткычлар барлыкка килгән. 

Быел Бауман урамындагы композит материалдан төзелгән искергән терәкләр чуен терәкләргә алыштырылды. 

ТР торак пунктларында урамнарны яктырту программасы буенча быел Казан поселокларында СИП чыбыклы 53 км артык челтәр һәм 1467 яктырткыч ремонтланган. Быел программа 33 поселокны, шул исәптән Константиновка, Яңа Вишневка, Салмачы, Залесный, Привольныйны колачлады. Шәһәр Башкарма комитеты һәм «Казгорсвет» АҖ тырышлыгы белән программа кысаларында финанслау соңгы елларда өч тапкырга диярлек артты. 

Казанның тышкы яктыртылуы 108 меңнән артык яктырткычны, шулай ук аларны тукландыручы 3090 км челтәрне үз эченә ала. Челтәрләрнең 28% ы кабель, 69% ы изоляцияләнгән чыбык һәм 3 кенә проценты ялан чыбык белән башкарылган. Яктырткычларның 42% ы – заманча яктырткычлар. Тышкы яктырту белән идарә итү тулысынча автоматлаштырылган.

 

kzn.ru

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев