Мәдәни җомга

Бүген иртән Татарстандагы бер предприятиедә ике эшченең мәетен тапканнар

Ике кешене үтерү турында җинаять эше кузгатылган.

Бүген иртәнге биштә Татарстанның Тукай районы Югары Суыксу авылында коры катнашмалар җитештерү предприятиесендә пычак белән кадап үтерелгән ике эшченең мәетенә юлыкканнар. 

 

 

Фаҗига булган урынга район прокуроры Айрат Галимәрданов килгән. Мәрхүмнәрнең Мөслим районыннан килгән эшчеләр булуы ачыкланган. Ике кешене үтерү турында җинаять эше кузгатылган, дип хәбәр итте ТР прокурорының өлкән ярдәмчесе Руслан Галиев. 

 

 

Тиздән әлеге җинаятьтә шикләнелгән кешенең эзенә төшкәннәр – ул Минзәлә районында яшәүче, шундый ук җинаять өчен моңарчы да хөкемгә тартылган ир-ат булып чыккан. Эшне тикшерүне күзәтү ведомствосы үз контроленә алган. 

 

Павел Климчак 

«Татар-информ» 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: