Мәдәни җомга

Америка татарлары табигатьтә ял итәргә җыелачак

Кемпингта алтмышка якын милләттәшебез катнашыр дип көтелә.

2-6 сентябрьдә Америка Кушма Штатларында яшәүче милләттәшләребез Пенсильвания штатындагы принц Галлицин паркында кемпингка җыела.

«Бу — быелга соңгы кемпинг. Алтмышка якын кеше килер дип уйлыйм. Анда күл дә, футбол, волейбол мәйданчыклары да — бөтен уңайлыклар бар. Милләттәшләр, туганнар, дусларның барысын да көтәбез», — диде Америкада яшәүче татар активисты Ильмир Әхмәтҗанов «Татар-информ» хәбәрчесенә.

Аның сүзләренчә, быел мондый очрашулар булган инде. «Июньдә дә ял иттек. Ул вакытта 70-80 кеше җыелган идек. Пешекче дә килгән иде. Ул чакта балалар өчен кечкенә генә Сабантуй да уздырдык», — диде Ильмир Әхмәтҗанов. 

 

Гадел Әхмәтҗанов 

«Татар-информ»

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: