Мәдәни җомга

Казан шәһәре

18+
2024 - Гаилә елы
Сүз һәм гамәл

Свердловск өлкәсенең Бисерт бистәсендә беренче мәчет ачылды

Эшмәкәр мәчет ясау өчен бина сатып алып биргән. Яңа ачылган мәчет 50 кешегә исәпләнгән.

Свердловск өлкәсенең Бисерт бистәсендә тантаналы рәвештә мәчет ачылды.

Бу — шәһәр округында беренче мәчет, дип хәбәр ителә Россия мөселманнары Дини җыены сайтында. 

Элек дин тотучылар йөргән бина шәхси йорт булган һәм аны җирле мөселман җәмгыятенә мәчет урыны өчен шундагы эшмәкәр сатып алган.

2021 елның 2 июлендә юстиция органнарында Свердловск өлкәсе Диния нәзарәтенең (Үзәк мөфтият) юрисдикциясендәге яңа «Салмон» мөселман җәмгыяте теркәлде.

Мөфти Абдул-Коддус Ашарин сөйләвенчә, мәчет ачу тантанасында Бисерт шәһәр округы башлыгы Валентина Суровцева сәламләү сүзе белән чыгыш ясаган. Ул җирле мөселманнарга изге теләкләр юллап, бистәне үстерүгә керткән өлешләрен бәяләгән. Һәм бу очраклы гына түгел, чөнки мөфти сүзләренчә, этник мөселманнар, нигездә, татарлар, таҗиклар һәм дагыстан халкы, Бисерт халкының 40 процентын тәшкил итә.

Яңа ачылган мәчет 50 кешегә исәпләнгән, әмма якын арада аны тагын да киңәйтергә планлаштыралар, чөнки өстәмә гыйбадәт мәйданчыкларына ихтыяҗ бар. 

 

«Татар-информ» 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X