Шигърият
Халисә Ширмән: «Мин язларны күбрәк яратамдыр...»
(ШИГЫРЬ)
Мин язларны күбрәк яратамдыр:
Тирә-якта шатлык уяна,
Иркә кыздай йокысыннан торып
Киерелә урман, елмая.
Мин кояшны күбрәк яратамдыр:
Гафу, болыт, кояш сөйкемле!
Һәр яз саен миңа күзен кысып,
Йөзгә мулдан сибә сипкелне.
Гел яктыга, гел кояшка үреләм,
Саргаеплар килми бетәсем...
Язлар саен чирәм булып калкам,
Мин тормышка гашыйк, күрәсең...
Следите за самым важным и интересным в Telegram-каналеТатмедиа
Нет комментариев