Шигърият
Сирень Якупова: «Юк җанның әнисез чаклары!»
(ШИГЫРЬ)
Гомеремнең
Әниле еллары белән
Әнисез еллары тигезлеге
Җитте...
Әниле елларның яктысы
Әнисез юлларым яктыртты.
Әниле елларның җылысы
Җылытты гомерем яртысын...
Рәнҗетсә әнисез елларым,
Әниле балачак юатты.
Әнисез елларым елатса,
Әниле яшьлегем
Яшемне сөртергә мең кайтты...
Әнисез җуелган нигезне
Әниле хәтерем саклады.
Әниле, әнисез еллар бар...
Юк җанның әнисез чаклары!
Следите за самым важным и интересным в Telegram-каналеТатмедиа
Нет комментариев