Шигърият
Син, сөю һәм сәгадәт...
Энҗе Хөсәенова. Яшьлек, мәхәббәт... Әтнә кызы иҗатына да хас темалар бу. Бер шигыренә күз салыйк әле.
Үзеннән
җибәрми
гомерлек
бу халәт.
Өч сүзем
уямын:
син, сөю
һәм
сәгадәт.
Тәрәзәм
ачам да
омтылам
иркенгә.
Килүең
көтәмен
күрергә...
...Юк, килмә!
...очрашу
нигә соң
булганда
киртәләр
арада?..
Аллаһка
ялварам,
сагыштан
арала.
Бу
сөю
бетми
дә,
көннән
көн
ярала...
Энҗе Хөсәенова.
09.08.2019.
Следите за самым важным и интересным в Telegram-каналеТатмедиа
Нет комментариев