Ркаил Зәйдулла: «Аһ, син көз!»

admin, 2 октябрь 2024 - 11:00

974

(ШИГЫРЬ)

Аһ, син көз!

Күңел үзгә...

Тезләнәсе килә сары яфракларда...

Үз кешеләр ерагая бара,

Күңел төшә, бәлки, ятракларга?

Аһ, син көз!

Төсләр үзгә...

Кып-кызыл ла Миләш тәлгәшләре.

Мин Өрәңге булып басып торам,

Һәм озатам көзге кәләшләрне.

Аһ, син көз!

Син тик сүз лә...

Син бары тик фасыл!

...ул үтәчәк.

Кызыл керфекләре тибрәнә дә,

Күзен кыса миңа бер гөлчәчәк.

Следите за самым важным и интересным в Telegram-каналеТатмедиа

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса